مجلة عشـــاق الشعـــر الإلكترونية (ممدوح حنفي)
حــــر الصيف
من حر الصيف السنه دى يا لطيف ...
مش نافع تخفيف هدوم ولا تكييف ...
ولا نافع بحر ولا تصييف ...
يجعل كلامنا على السنه دى خفيف ...
قاعد وروحى طلعانه ..
لا تكييف ولا مراوح مكفيانه ..
تعبنا وتعبت مواترها معانه ..
ونسمه الحر مش رحمانه ...
يا ناس علشان أعرف أنام ...
واتهنى أنا بالاحلام ....
يبقى لازم أنام فى بانيو الحمام ..
خلاص يا حر مش قادر أقوم ...
خلاص قلعت كل الهدوم ...
وكل يوم بتزيد عن اليوم ..
يا مروحه عارف انى تعبتك ..
ومتورك من الحر حلف لسايبك ..
زهق من الحر يا مروحه من عمايلك ..
وأنت مالك يا تكييف ...
هواك ليه بقى فى الحر خفيف ..
وليه حاسك مش نضيف ....
رد وقالى يا أخى فيه أيه ...
الواحد لازم يحس ويشوف بعنيه ...
ده الحر يا عم أنا ماصعبتش عليه ..
وأنتى يا ميه ليه سخنانه ...
قالت لا كلدير ولا ثلاجه نافعه معانه ...
دى الشمس عماله تلسع فى قفانا ..
ومن موجة حر لاشد منها واخدانا ...
حتى الثلج أنا شايفه بيسيح ...
وحاسس بالبرد اللى فيه بيضيع ...
من الحر يا ناس آه يا لطيف ....
لا مراوح نافعه ولا تكييف ...
بقلـــــم: عــــــادل الشــــــهـــابى
ساحة النقاش