مجلة عشـــاق الشعـــر الإلكترونية (ممدوح حنفي)
دنيتي سنين وشهور وايام ما تتعد ... امال تتبني واحلام تتهد ... ناس تتخلى وايدين تتمد ... اجابات واسالة ملهاش رد ... واللي انا على يقين منه وبجد
من يوم ما وعيت عليها عمرها ماوقفت على حد
ناس بتيجي وناس بتروح ... اللي يسبب فرح واللي يسيب في القلب جروح ... حكايات تتحكي وحكايات الكلام فيها مش مسموح
ومش كل شيء جوانا بيه بنبوح
دنيتي دنيا وليها شروطها ... القدر رسم خطوطها ... صحيح نفسي حرة لكن شروط الحياة قيدتني بخيوطها
حال وحال واحوال ما في منها مفر ... عايش حروب الدنيا بين كر وفر ... وكل ما في الامر
انها ماشية يوم ويوم افراح واحزان ... عايش حاضري وبحاول انسى اللي كان ... ومن يوم ما وعيت عليها عمرها ما وقفت على انسان
(( مدحت سلام ))
ساحة النقاش