مجلة عشـــاق الشعـــر الإلكترونية (ممدوح حنفي)
عـــــادات 3
وأدى تاجر اللبن الحليب ...
اللى وصى عليه الحبيب ...
ماشى وشايل أقساطه ....
وبتساعده فى شغله مراته ..
ومنه بيسترزق فى حياته ...
شوفت يا ناس أنا بعنيه ...
من الترعه بيزود اللبن ميه ...
علشان يزود مكسبه شويه ...
لفين هتوديك الآنانيه ...
الناس بتشرب منك ومش قلقانه ...
ليه أنت تخون بس الأمانه ....
ليه الغش يكون فى طبعك ...
وأزاى قلبك بفا طوعك ....
تغش والمرض تدهولنا بصوابعك ..
دى فيه أطفال بتشرب منه ...
ليه أنت خيره تمنعه عنه ...
يا راجل الميه حتى مش نضيفه ...
راعى ربنا وأكسب بقى لقمه شريفه ..
ما يبقاش كل همك القرش والتعريفه ..
جايبها منين الآسوه ديه ..
ليه الغش بقى فى كل شىء فى حياتنا ...
علشان كده المرض يا ناس بقى بأوطانا ..
بسأل أمتى العادات دى هتسيبنا ...
ونسعد يا ناس كل حبايبنا ...
والصدق فى يوم يبقى نصيبنا ...
بلاش تغش الناس ومعاهم كون آمين ...
مين اللى علمك العاده دى بس قولى مين ..
أتعامل مع الناس زى ما قال الدين ...
تكون فى دنيتك سعيد وفى الآخره تكون من الفائزين ..
ودى مش الحكايه الوحيده ...
بكره لنا حكايه جديده ....
بقلــــــم: عـــــادل الشــــــهــابى
ساحة النقاش