مجلة عشـــاق الشعـــر الإلكترونية (ممدوح حنفي)
و لا عمرى و لا عمرك هنشوف راحة
..................................................
على كيفك و افعل ما بدالك
بدل الواحد مليون بدالك
و لا تكنشى فاكر علشان قلبى ندالك
هفضل انا و حبى قعدالك
لا يا حبيبى بقولك من دلوقتى عقبالك
يالا انسانى و ريح بالك
و كفايه طريقتك فى حبى و استهبالك
و كفايه مش شايف قلبى و هو قبالك
يالا روح هتلاقى مليون واحدة فى استقبالك
بس عمرك ان قدرت فى يوم تنسانى
عارف ليه عشان مقدرتش تكسر سنانى
و لا قدرت تهزم كبريائى و جنانى
بس كله منك يا أنانى
و لا انا هقدر فى يوم انساك
عارف ليه لإن بجد قلبى حبك و هواك
و كان نفسى بجد استناك
عارف ليه لإنى بجد قلبى حبك و اتمناك
لكن هعمل ايه بعد ما جرحتنى
يا ريتك ما قولتها و كنت دبحتنى
كنت هموت و أنا مرتاحة
بدل ما انا عايشه بقيت عمرى فى جراحة
و لا عمرى و لا عمرك فى يوم هنشوف راحة
حتى لو خدنا كل شيئ براحه
.............................................................
محمد أبو المعاطى محمد
ساحة النقاش