مجلة عشـــاق الشعـــر الإلكترونية (ممدوح حنفي)
سالت ايه هو الحب والهوى يا خال
قال كل قلب من الهوى ارتوى عاش لحظات فيها جمال
لكن الهوى عمره ما كان دوا واسال كل قلب حب ومال
كم قلب من العشق انكوى والدمع غصب عنه سال
والكل في الهوى سوا حتى اللي عامل فيها فارس وخيال
اللي هوى وكأنه هوى في وادي متحاوط بالجبال
وحيد من جواه بيصرخ وصوته صدى يهز كيانه ولا الزلزال
يحس صوته وصل لابعد مدى وهو لوحده للهموم حمال
يقول ياريت الحب ما كان فيك يا قلبي ابتدى ولا كنت وصلت لدا الحال
ولما يحس انه للنسيان اهتدى والشعور من وجدانه زال
يلاقي هواه في وجدانه ساكن راضي او مكنش ارتضى
شعور وفي القلب باقي مهما طال بيه المطال
يا ابني اللي يلاقي الحب الحقيقي في الزمن ده يحس برضا
ويعيش حياته بقلب سعيد ومرتاح البال
(( مدحت سلام ))
ساحة النقاش