مجلة عشـــاق الشعـــر الإلكترونية (ممدوح حنفي)
&&&عايش طيب$$$
بنتناسى وبنسامح
مابين الجرح والجارح
ونتعذب يكون عادى
شجر دمع الالم طارح.........
وانا حزنى ده مهما كان
ساكن دنيايا وسمايا
ده سطر واحد جوا كتاب
فيه الف روايا وحكايه.......
ما انا واحد من الملايين
من الالم دابو سنين
تملى يرسمو الضحكه
وجواهم عذاب وانين.........
مانا واحد وغيرى كتير
ذاقو المرار لكن صابرين
لو شفت ايه جواهم
تلاقى القلب فيه سكاكين........
نشوف الجرح ميت مره
مشهد تملى فيه عايشين
دور البطل يكون جارح
واحنا ضحايا موجوعين..........
وتنتناسى وبنسامح
ونرجع نتجرح تانى
نداوى اللى جارحنا
يطيب يسقينا كاس انين........
يادنيا مين فينا المعيوب
ولا ده شئ فيكى ومكتوب
ياريتك بس تقوليلهم
حرام دنا صبرى مش ايوب.......
يادنيا العيب ده مش عادى
خلل وبيصيب الانسان
ولو عادى يا دنيا لكان
طرح شجر الزتون رومان.......
ملامحنا ديمأ نرسمها
بضحكه حزينه مكسوره
وهى برضو نفس الضحكه
ملازمانا فى مليون صوره......
سحاب الحزن ياقلبى
حجب عنك شعاع النور
فى دروب الدنيا تتخبط
وبتكمل بحمل هموم......
وترجع تانى وتسامح
حالف انك متتعلمش
خلاص ياعم شيل واسكت
ويوم ما تموت متتندمش........
والذنب ذنبك انك
عايش طيب فى وسط وحوش
مره فى مره تسامحهم
ولجراااااااحك .....مبيملوش
احمد عيد #شاعرالجيل
ساحة النقاش