جارى التحميل
استخدم زر ESC أو رجوع للعودة
بلاقيكي
*******
بلاقيكي
في كل حاجه قدامي
في ايامي
في احلامي
باحسك جنبي وانا تايه
والاقيكي
معايا حتي ف منامي
بلاقيكي
ف ضحكة طفله
اموره
ف مشية بنت
سنيوره
ف كل قصيده باكتبها
ف ضحكه مزينه
الصوره
بلاقيكي
ف ورده لسه بتفتح
علي جبينك
شعاع الشمس
بيصحصح
وباتمني .. تناديني
وباترجي
للمسة ايد
تخليني
ادوب واسرح
والاقيكي
وشوفتك
تهت ف عيونك
لقتني
جريت علي حضنك
يقولوا
عليه مجنونك
يقولوا
ان انا ابنك
يقولوا زي مايقولوا
انا عاشقك
بادوب فيكي
(مجلة عشاق الشعر)(1)(ممدوح حنفي)
ساحة النقاش