أحتاروا الناس فى الحب
أحتاروا الناس عن وصف الحب ...
فيه اللى قال أنه شعاع بيصيب العين ...
ومنهم اللى قال ده مرض بيصيب القلب ...
وفيه اللى قال عليه أنه مجرد حرفين ...
تكتبهم الأيد وتتحرك بيهم الشفتين ...
ده الحب أقوى من أى أتنين ...
الحب أحساس مش شىء تشوفه العين ...
الحب هو فرحه القلب الحزين ...
هو الراحه لكل الموجوعين ...
وهوالمُسكن لكل أنين ...
وهو مشوار العاشقين ...
الحب كل الكلام مش هيوفيه ..
ده جنه بس يعرفها كل اللى عايش فيه ....
الحب للانسان هو الحياه ...
بيعلمك الأخلاص للحبيب ...
فى جرحه بتكون أنت له الطبيب ...
فى السعاده له سحر عجيب ...
مين فى شدته جرب يفتكر حبيبه ...
فى لحظه الحزن يروح ويسيبه ...
الحب يعنى الأمان ...
ملوش حظ فيه كل اللى لحبيبه خان ..
الحب يعنى عطاء ...
يعلمك معنى الوفاء ...
وتعيش معاه فى رخاء ...
الحب يعنى قهر الصعاب ...
على الشوك تمشى علشان الأحباب ..
بالحب تتغلب على العذاب ....
والفرح يدقلك كل باب ...
وده كلام قليل على الحب ..
ولكن كلام من جوه القلب ...
بقلــــــم: عـــــادل الشــــــهــابى