جارى التحميل
استخدم زر ESC أو رجوع للعودة
سألنى الليل بتسهر ليه ..
مادام قلبك صبح خالي
سهرت يا ليل أنادي عليه ..
و أعيد الذكرى على بالي
رجعت بفكري للماضي و أيام الهوى الحلوة
لقيت قلبي في هواه ماضي
يعيد الحب و النجوى
و قصة حب مع حبه حكيتها مهجتي لقلبه
و بين الماضي و الحاضر .. يا ليل يا ليل
خياله يمر ع الخاطر .. يا ليل يا ليل
أفكر فيه و أعيد لياليه
و انا و طيفه و الهوى عشنا على نار الجوى
نحلم بماضينا سوى
منين قلبي صبح خالي و انا هايم بأشواقي
يروح العمر يا ليالي و فيه قلوب م الهوى باقي
ده أول حب هناني و أول حب بكاني
و أول حب بيه موعود .. يا ليل يا ليل
وحب القلب حب خلود .. يا ليل يا ليل
وحب الروح ما عمره يروح
و إحنا على عهد الهوى حنعيش بأرواحنا سوا
نحلم بماضينا سوا
يا ليل الدهر فرقنا و فاتنا بين دموع و جراح
يا ليل و اسينا فى فراقنا و إبكى معانا على راح
ده هو قلبي و انا قلبه و هو حبي و انا حبه
و هو اللي حياتي فيه .. يا ليل يا ليل
و باسرح فيه و أقولك إيه .. يا ليل يا ليل
قدر مكتوب فى علم الغيب
و إحنا على عهد الهوى حنعيش بأرواحنا سوا
نحلم بماضينا سوا
سألني اليل بتسهر ليه .. مادام قلبك صبح خالي
سهرت يا ليل أنادي عليه .. و أعيد الذكرى على بالي
(مجلة عشاق الشعر)(1)(ممدوح حنفي)
ساحة النقاش