مجلة عشـــاق الشعـــر الإلكترونية (ممدوح حنفي)
إبعتي الصوره
........................
بعد إذنك لو سمحتي
إبعتي الصوره اللي عندك
لسه فاكر فيها نفسي
لما كنت لوحدي جنبك
..........................
إبعتيها .......................
ما دمتي عايزه تقطعيها
في حد غيرك أولى بيها
حد سايب دنيته وعايش
عليها ..........................
ليا فيها
زي ماليكي وأكتر .............
أصلي فيها ..................
قلبي كان طيب وأخضر
..............................
فاكر مالمحي وفاكر مالمحك
يمكن معاها أقدر أسامحك
إبعتيها............ لو لسه قلبك
بيحس بيها ورافض عمايلك
...........................
اللي فاضلي معاكي ذكريات
ولو سألكي حد عني قولي
مااااات ............................
ندمان علي حب السنين
ندمان علي كل اللي فات
...........................
بس هاتي الصوره وإمشي
دوسي علي أرضك بقلبي
لو جرحتي الذنب ذنبي
حبك بيجري جوه دمي
...........................
إبعتيها ..........................
وإنسي إنك كنتي فيها
اللي فيها ....................
وحده ماتت من سنين
وحده غيرك قلبها..........
مليان حنين .................
..........................
إبعتي الصوره اللي عَندك
بطلي القسوه وعِندك
هي وحده تانيه خالص
كل علاقتك بيها شَبهك
.........................
عصام دويدار
ساحة النقاش