جارى التحميل
استخدم زر ESC أو رجوع للعودة
لصمتى حكاية طويلة
.............................
لصمتى حكاية طويلة
مش ضعف منى و لا قلة حيلة
ما اردش ع اللى هانى و فاتنى عليلة
سهران مع خليلة
لوش الفجر كل ليلة
لكنى إنسانة أصيلة
ما اشتكيت لحد
و لا حد شافلى دمعة على خد
لكن جوايا جرح هد
كل شيئ حتى قلبى انهد
معدتشى تفرق معايا
ان كان مع غيرى و لا معايا
حتى الغيرة ماتت جوايا
و الضحكة بضحكها نوايا
ما حد يكشف اللى جوايا
لقيت جرحى و ما لقيت دوايا
أه يا قدر و مكتوب
أشوف حظى بالمقلوب
أقول الأه من محبوب
و اللى عشقنى ارميه بالطوب
لصمتى حكاية طويلة
هى حكاية كل القلوب
قدر و مكتوب
..................................................
محمد أبو المعاطى محمد
(مجلة عشاق الشعر)(1)(ممدوح حنفي)
ساحة النقاش