مجلة عشـــاق الشعـــر الإلكترونية (ممدوح حنفي)
خدنا ايه م القديمة عشان نحتفل بالجديدة
غير الجبنة القديمة و لستنا ع الحديدة
خدنا ايه تقدر تقوللى يا وِلد
و السرقة فى مصر بقت ذكر و وِرد
و كله بالقانون و اللوايح و الدستور
و عمرك ان عرفت تقرى ما بين السطور
لكن حالنا كل يوم بيفضح المستور
دستور يا اسيادنا دستور
مجرد حبر على ورق و سطور
لا هينفعنا حفر و لا فحت
طول ما اللى فوق فوق و اللى تحت تحت
طول ما المسئول بالقانون نازل أشط و كحت
و سايب الغلبان يقول يا ريتنى من على وش الدنيا اتمسحت
ملعون ابوكو على ابو القديمة و الجديدة
طول ما المصرى فى ضيقة عظيمة و شديدة
.......................................................................................
محمد أبو المعاطى محمد
ساحة النقاش