مجلة عشـــاق الشعـــر الإلكترونية (ممدوح حنفي)
جربت تكدب على روحك
وتوهم نفسك بالكدب
ان حبيبتك فعلا بتحبك
بس هى طبعها هادى
فتخرج مع نفسك وتروح
تقعد ف مكان هادى
وتتخيل انها هتجيلك
وتقولك بحبك عادى
وتفضل تتكلم مع نفسك
ومتهيالك انها بتسمعلك
وزى ما بتقولها بتقولك
وتسمع كلمة بحبك
تهلل وتفضل تنطيط
والناس حوالين منك
يضحكوا ويقولوا عبيط
تلملم كسوفك وخجلك
وترجع تقعد ف مكانك
وتسرح بعيد بخيالك
وتهدى الرتم شوية
وتتكلم مع نفسك بحنية
عشان محدش يسمعك
وتزهق خالص وتمل
تقوم تزق عجلك
تلف كل الشوارع
منتاش عارف فين رايح
ولا امتى راجع
ممكن ترجع على بيتك
او تدخل اقرب نت
وتروح تبعتلها رسالة
وتسرسب ف كلامك وتقول
انك دايب ف هواها
ما تبصلهاش ولا تقراها
تطلع من جيبك محمولك
وتبعتلها مذد كول
ولا هى معاك بالمرة
ترن وتفضل ترن
ولا تعملك خاطر
او ممكن مرةتحن
وترد عليك وتقولك
ما تكلمنيش تانى مرة
تتوه ف بحر الام
وتجيب اوراق واقلا م
وتكتب شعر وكلام
وتفضل قاعد قايم
وتعاتب ف قلبك
تقو له قولتلك ما تحبش
وقلبك يعاتبك ويقولك
انا شاورتك وافقت
وتفضل ف حيرة عجيبة
خايف تنام ترن
او تصحى وما ترنش
وكلام يجيب كلام
وتصحى تانى الالام
تعمل نفسك شاطر
شربت اللبن ونايم
اكيد................جربت
الشاعر عبد الله الهوارى قنا قوص جرا جوس
ساحة النقاش