محمد أبوالمعاطى
كفايه يا قلبى أوهام
............................
كفايه يا قلبى أوهام
اللى عايزك هيجيلك أوام
و اللى مش عايزك هيفضل يماطل
و يقولك كلام
و فى الأخر هيقولك سلام
هيفضل فى الباطل
يماطل و يماطل
و الحب عنده بكام
أقولك حاجة يا قلبى روح نام
يا قلبى ارتاح و ريح
مفيش حد مستريح
و كله بيدور ع الفلوس
و أخر حاجة عندهم النفوس
معدشى للحب طقوس
و لا خيار و لا فقوس
غير الفلوس
و الخمر فى الكؤوس
و الخيانة فى الرؤوس
و بعد ما كان الحب غرام
أصبح حرام فى حرام
و الهدف منه و المرام
شوية دهب و كام جرام
و هتروح و ييجى غيرك
و ما حد هيقولك كتر خيرك
يا قلبى اكمنك طيب و شهم
عيشوك يا قلبى فى وهم
و خدعوك ب اسم الحب
و الحب عندهم كام قيراط و سهم
يا قلبى فوق بقا من الوهم
عايز تكتب فى الحب اكتب
لكن ما تضحك على نفسك و تكدب
و عيش يا قلبى الحب أشعار و خيال
و سيبك بقا من الهوسة و لعب العيال
بلا خوته دا الحب له كام شيال
.....................................................
محمد ابو ا
ساحة النقاش