مجلة عشـــاق الشعـــر الإلكترونية (ممدوح حنفي)
أغنية طفل (جواب لبابا)
أنا بتعلم عربى وبذاكر حساب
علشان أعرف أحسب و أقرا أى كتاب
وبابا وهو مسافر أعرف أكتبله جواب
حاكتبله وأقوله : يا بابا وحشتنا
أنا وأختى سوسو ، وماما... وكلنا
امتى تيجى الأجازه عشان ترجعلنا
استنى لما أقولك سيبنى أحسبها نا
من خمس شهـور سافرت من هنا
وعدد الشهور.. اتنــاشر فى السنة
وأجازتك شهرين تقضيهم عندنا
كده باقى خمس شهور.وانت بعيد عننا !
وعشان يا بابا تعرف .. إنى تلميذة نشيطة
جبت كتاب الجغرافيا وشفت ع . الخريطة
فين البحر الأحمر .. والموانى المحيطة
و(جدة )اللى أنت فيها.. لقيتها عملت زيـطة
ووريت الخريطة لأصحابى ول تيتة .
دكتور / عبدالله منصور
قلين ( فى فبراير 1993 )
ساحة النقاش