مجلة عشـــاق الشعـــر الإلكترونية (ممدوح حنفي)
خدتنى بنظرة عنيها
للشاعر : محمد ضباشه
خدتنى بنظرة عنيها
من غير ما أخد بالى
وقلبى عجبوا هواها
وتركنى أنا لحالى
دقاتة حروف أسمها
واللهفة كتاب جالى
مكتوب عليه قدرى
وهى بالحب بصالى
ندهتلى بنظرة حب
خدتنى معاها قوام
قربت من رمشها
وكأنى فى حلم منام
قالتلى أنا منك
بس لا أنا احلام
ولا وهم فى قلبك
ولا فيه حته حرام
أنا ياروح الروح
وردة وجدها اسلام
اسمك هنا مكتوب
على قلبى يانور عينى
وقدرك هنا مكتوب
بالمسك على جبينى
نظرة عنيك بتشدنى
بتصحى شوقى وحنينى
وأنت حبيبى الدوى
جوه القلب تشفينى
كفايه أغمض عنيه
وأنت كاس بتسقينى
كل خمور الحب
أشرب وتروينى
وأسكر وأقول يا حبى
تعالى جنبى هنينى
ساحة النقاش