محمود محمد اسماعيل ناصر
(محمود ناصر)
صان الحجر
محافظة الشرقيه

(بﻻدى)
لما قالوا اكتب لها
غلبت ادور ع الحروف
يمكن اصادف حرف ماسى ينصفك
يمكن اجمع جمله حلوه توصفك
كل الحروف مكسوفه منك واستحت
لكن بيبان كل الكﻻم اتفتحت
ولقيتنى مش ماسك لسانى م الهتاف
وبعلو صوتى بقول وقلبى مش بيخاف
بحبها
لو شفتها
لو قلبى ميل عندها
معرفش ايه ممكن يكون
غير انى بس احبها
واكتب لها
رسالة غرام
مرويه من كاس الهنا
هديه من قلبى انا
اصلى بأشوفها فى المنام
وكأنها
ملكه وزاينه عرشها
الكل يطلب ودها
يتمنى بس منها
انشلﻻ نظره وابتسام
انشلﻻ همسه مش كﻻم
وتهون حياته ودنيته
فى لحظه بس ف ارضها
واكمنها
اعظم اميره ف جنسها
تنشر فى خيرها وضيها
على كل جاره فى حيها
واكمنى عاشق
للشهامه والكرم
واكمنى عاشق
للقنال ويا الهرم
واكمنى عاشق
لكل انسان محترم
قلبى خﻻص سلم لها
وداب وشاب فى حبها
بحبها