إنتِ شاغلانى... بقلم الشاعر /محمود العزب

مجلة عشاق الشعر الإلكترونية.. ممدوح حنفي 

حبيبتى وانتِ شاغلانى 

باحِس بروحى وكيانى

وبالقَـىَ إنِّـى لابعانى

ولافيه حاجهْ تَعبانى

وباكتب لِك وباشعِرلِك
وباشتاق لِك وباشعُر بِك
وباعشق فيكى وباحِبِّك
وبالقاكـى فى وِجدانى
وطول الوقـت ويَّاكى
وحاسِس إن انا معاكى
ولافيهْ حِجَّهْ مَنعاكـى
ولافىْ قِـوَّه مَنعانـى
وحُبِّك حِلـوْ ومسَكَّـر
وبيْخَلِّـى الحياه سُكَـر
وبيخَلِّينى احِب أكتَر 
وبالقَـىَ حياتى شَدَّانى .