مجلة عشاق الشعر الإلكترونية.. ممدوح حنفي
قلبى يا عجيب وغريب
ولوحدك بلد عجايب
تمشى ف سكك خطر
عصفور والشوق مطر
بتهوى حبيب هجر
وتقول هيرجع تايب
اقفل ع الحب البيبان
واكتب كرهته ع الحيطان
تسهينى وانا غفلان
تفتحله باب وتوارب
تروح صبح وتماسى
تدور بنفسك ع المأسى
وتسيب بحرى وكاسى
ومن بحره المر شارب
وايات ربى والفاتحة
والصبح وشمس ساطعة
اسبابى مستحقة وواضحة
اسميك...!! تامن العجايب
ساحة النقاش