مجلة عشـــاق الشعـــر الإلكترونية (ممدوح حنفي)
انا عامل زى تيشرت قديم مرمى فى دولابى مابلبسهوش
وكلام أغنيه انا كاتبته لكنى قرأته وما فهمتوش
اناوقت فراغ فى حياه الناس بيقضوه لعب وفرجه ونوم
انا رحله كمان او فسحه انا وقت راحه فى نص اليوم
انا قطر بيوصل متأخر ومافيش ولا حد بيستناه
انا حلم بشوفه وانا مغمض وبفتح عينى عشان انساه
انا شارع فاضى انا الماضى اللى مافيش حد فى يوم عاشه
انا واحد كان حابب شغله وغصب عنه سوى معاشه
انا شمعه علطول مطفيه علشان محطوطه فى وش الريح
انا مطرب عمره ما هيغنى انا غنوه محتاجه لتصريح
انا أكله ما حبتهاش عمرى بغصب على نفسى وبأكلها
انا واحد مش طايق نفسه لكن موطر يحنلها!!؟
تحيات شاعر الاحزان يحيى زكريا
ساحة النقاش