مجلة عشـــاق الشعـــر الإلكترونية (ممدوح حنفي)
تعبانه يا دنيا
يا بنت ستين دنيا
يا ظالمة و فانيا
و الحلو فيكي ما يكملش ثانية
ارحميني بقا شويا !
دا انتي فعﻻ دنيا
بنت ستييين دنيا..
طلعتي بوز اهلي يا شيخة
اﻻ ما فيكي حاجة دوغري و صريحة
تلفي بيا اللفة .. و هوب.. تديني الطريحة !
دا انتي فعﻻ دنيااااااا
بنت ستيييييييين دنيا
ملعون ابو الهم اللي معيشانه فيه
ملعون ابو الغم اللي ممسيانة بيه
ملعون ابو الحوجة اللي حوحتيهالنا لناس مالهاش فيه
دا انتي فعﻻ دنيا..
بنت ستيييييين دنيا..
بجد بقى خرجتيني عن شعوري
اﻻ ما في مرة تتهدي و تبطلي تجوري
ارحمي امي .. يا تغوري
دا انتي فعﻻ دنيا
بنت ستيييين دنيااااا
وصدق اللي قال
الدنيا من الدناوة واﻻ من الضنى
وعجبي !!
نجوى رستم
ساحة النقاش