مجلة عشـــاق الشعـــر الإلكترونية (ممدوح حنفي)
اه من نفوس ... تديها كل حاجه وهي عليك تدوس ... واللي تسقيه حلاوة الكاس ويسقيك مر الكؤوس ... من افعاله الحره تعاني ويا ولداه شعورك جواك محبوس
اه من اللي عامل انه بيحبك ... ومن ظهرك يشكي منك ويسبك ... بيعاملك بنفس كدابه وانت بتتقي فيه ربك
اه من اللي يفرق معاك وانت عنده مش فارق ... تكون لجروحه بلسم وهو ليك جرح حارق ... غرقان انت في همومه وهو الدنيا وحاله بس غارق ... تحاول تكون سر بسمته وهو لبسمتك سارق
اه من اللي لابس قناع ... يلبسه وقت الحاجه وبارع في الاقناع ... ايده في ايدك وساعة الجد يسيبك انت للضياع
اه من اللي يتقرب ليك لجل حاجه ... وانت تصدقه بمنتهى السذاجة ... ولما ينول مراده يبيعك وكأنك ولا حاجه ... الدنيا يا اخونا فانيه ومش محتاجة
اه من نفوس بشرية ... تظهر ما تظهر وحقيقتها خفية ... نفوس لا يعلمها الا الله رب البرية
(( مدحت سلام ))
ساحة النقاش