مجلة عشـــاق الشعـــر الإلكترونية (ممدوح حنفي)
أنا المصرى
مش هقول كلمة بحبك
أنت أكبر من كلمة بحبك
أنت مصر ست كُل عصر
مش هقولها أكسب بيها ويدك
أنا مولود جوة حضنتك
أنا تلميذ جوة مدرستك
برسم صورتك جُوة كرستك
أنا جُوة جامعتك شمسك
يبقى كلمة بحبك
مش قدحضنك ولا رسمك
لما تندهى علية وتنادى
هجود بنفسى وحياتى
أنا أحمس وقُطز وناصر وساداتك
فى كتاب البحث عن ذاتك
أناجدار الصد عن حدك
وأنت عروسة مين قدك
أنا شطك أنا نهرك
ووقت الشدة هكون ضهرك
أنا فى سينا وحلايب
وعن بحرك ما أكون غايب
يبقى كلمة بحبك
مش قد حضنك ولا رسمك
تاريخك يحكى ووجودك
عن كل غازى لحدودك
كلمة حُب مش قدك
وتأمرينى أكون عبدك
أنا المصرى هصون عهدك
أنا المصرى أنا المصرى
بقلم كابتن |سعيد عبد العزيز الحاجة
ساحة النقاش