مجلة عشاق الشعر الإلكترونية.. ممدوح حنفي
انا لو بكيت في يوم عليكي
كنت ببكي من حبي ليكي
بس انتي مفهمتيش
كنت بموت لو تغيبي ثانية
كنت حابب وياكي الدنيا
بس انتي محبيتينيش
كنت عايش عشان ارضيكي
كنت متعلق بجد بيكي
وبيا متعلقتيش
كنتي فكراني انسان ضعيف
فاكرة حبي ليكي خفيف
مع انك مفكرتيش
ان الحب اوقات بيضعف
وعشان اسمة هو الحب
لاوم في حد فينا يخلف
وانتي اللي خلفتي
انا هبعد عنك تماما
واسيبك في حياتك عادي
مش هتبقي ليا ماضي
ولا هقول دي كانت
بس هفتكر لما افتكرك
هقول سبت بعد ماسابت
هي الحياة كدة
هو الحب كدة
يقدر يغير فصل الصيف
ويخلية فصل الشتا
بدموع العاشقين
المجروحين
وبدموعي
مش هحلم اصلا برجوعي
ولا هكون باقي عليكي تاني
اصل الواحد لما يحب
وبيدي حبيبة كل حاجة
يطلع ف الاخر اناني
انا ماشي وسايبك لوحدك
يمكن تلاقي حد يحبك
لكن انا مش راجع
صدقيني معادش نافع
اننا نكون لبعض
فيبقى احسن حل لينا
هو حل البعد
ساحة النقاش