معرفش ..؟؟**كلمات الشاعر /سمير شومان

مجلة عشاق الشعر الإلكترونية.. ممدوح حنفي 

معرفش ليه الفرْح ساعه

والحُزن غالب كُل ساعه..

والضحك عِندنا ليه دموع

والجرح فينا مفيش مَناعه..

..

وإحنا الطَمّع في النفس عَاده 

ومنعرفوش معنى القَناعه..
وبنعصى ربنّا ليل نهار
وبنشتكي ألم المَجاعه..
ونقول يا رب إعطينا جَنّه 
وعُمرنا ما عَملنا طَاعه..
..
هوّ إحنا مُش بنقول 
يا صاحبي ..
كُل حاجه بالحساب..
طب إِعمل أنت بس حَسنه 
تلقاها عَشره في الكِتاب..
تلقى في عَجْزك مال وصحّه
بس أنت صونهم في الشباب..
وإمشي في حاجه الناس يا صاحبي
تلقى السعاده في كُل باب..
ويبارك الرحمّن في عُمرك
ما تلاقي في الاخره عَذاب..
..
صدّقني لّو تصفى نفوسنّا لبعضّنا
كان الإله هيحبّنا..
كنّا أما ندعيه يوم يفرّج كربنّا 
يسمّع لنّا ويُجيب لنّا..
لّو بس نرضي ربنا
لّو حتى كُل الكون هيبقى ضدنّا
والله مُش هيهمّنا..
بس إحنا نرضي ربنّا..