مجلة عشـــاق الشعـــر الإلكترونية (ممدوح حنفي)
احدى قصائد ديوانى الجديد
*********************
((((((ليه تجرحى))))))
*****************
لما انتى مش قد الوجع
ليه تجرحى
لما انتى مش قد الهموم
وسماكى صافية وطيبة
بتكونى ليه ليا الغيوم
دا ساعات بشوفك طيبة
وساعات بشوفك
لا نظر ..ولا سمع
لما انتى مش قد الوجع
****ليه تجرحى***
اتعلمى منى الحنان
وسيبى قلبك يسألك
متكتفيش فيه الزمان
ولا تقتلى حلمه الوليد
اللى اتوجد فيه الامان
لما انتى مش قد الوجع
****ليه تجرحى*****
لما انتى مش قد الليالى وجرحها
بتعيشى ليه متكتفه
بتسيبى ليه الهجر يقتل فرحها
وحاجات كتير متستفه
دانتى الوحيده فى الحقايق كلها
انتى اللى عارفة يعنى ايه معنى
الوجع******ليه تجرحى
دانتى الوحيده اللى عارفة مذهبى
سيبانى ليه عمال بعافر وانطحن
دانتى اللى تقرى وتكتبى
سايبانى ليه وحدى امتحن
عايزانى افضل ف امتهان
عايزانى اناطح ف الزمان
شوفى ..اسمعى
عافرى معايا..اتوجعى
بدل المهانة ..اتشجعى
خليكى قوة جوه منى
يمكن ف يوم تنسى الوجع
وتعيشى عادى وتفرحى
وكفاية بقى سيرة الوجع
وكفاية فيا تجرحى
لما انتى مش قد الوجع
*****ليه تجرحى****
*******************بقلم الشاعر /أشرف فؤاد السمادونى
ساحة النقاش