مجلة عشاق الشعر الإلكترونية.. ممدوح حنفي
حلم بسيط
بحلم بورد تفوح منه العطور يزين ايامى
بحلم بنهر الحب يجرى بأوطانى
بحلم بلمسة امل تنشر شعاع النور
ترسم فجر السعاده تبنى بيت السرور
بحلم
بحلم بشط دافى موجه ينادينى
اسكن انا احضانه ما الحزن يحمينى
وافضل انه فموجه عمرى وكل سنينى
بحلم ياشمس الحب تشرقى وتنورى
تملى السما بالورد وليا تتبسمى
وانسا معاك حزنى والقى معاك موطنى
بحلم يادنيا تزيلى بينا كل الفروق
والكل فيك يرتاح ميكون فيكى مجروح
وتفضل الضحكه راسمه كل الوشوش
بحلم الاقى الحلم واقع سكن ايامى
مبنى واشوفه شامخ فيك ياسما عالى
والحلم يصبح دار واسكن انا فالدار
بحلم نعيش ببساطه ونمحى سنين الخوف
ننسى ساعات الالم والدمع يتركنا
ونحس اننا بشر والحب يباركنا
هذا هو حلمى ياوطن
ياحياه يادنيا
ولكنه مجرد حلم
ساحة النقاش