مجلة عشـــاق الشعـــر الإلكترونية (ممدوح حنفي)
.................٥...................
جوابات الاسطى حراجي
العامل في السد العالي
الي زوجتنا
فاطمة أحمد عبد الغفار
الكاينه في جبلاية الفار
.........................................
استعجلتي
في ردك ليه
إنتي لو بتحبي
حراجي وباكيه
عليه
تستنيه
مش تبعتي
في جوابك
جاز يولع فيه
كل كلامك
حاسس بيه
وعايش ليه
وضارب نفسي
ميت صرمايه
عشان أداريه
كل حكاتي
إني بدور علي
شيئ تايه
ولما ألاقيه
هرجع بيتي
في الجبلايه
وهموت فيه
خلاصة القول
انا هبعتلك
تاجي تعيشي
معايا يومين
حضري روحك
إنتي وزينب
والواد عيد
أهو بالمره
تشوفوا أسوان
والسد كمان
وأوريكي
كيف إديه
معلمه عندي
علي الجدران
بلغي كل الكفر
سلامي
وإسألي علي أبوعباس
أوصل كيف للاسطى
حراجي
أهو كان عندي
ورجليه واخده
علي السكادي
راح أبعت في جوابي
الجاي
تمن الاجره وتاجوا
إزاي
........................
زوجك الاسطى حراجي
........................
بقلم / عصام دويدار
ساحة النقاش