مجلة عشـــاق الشعـــر الإلكترونية (ممدوح حنفي)
.............. أنا مسمحاك .................
علشان لا تبات
وف قلبك نار
ولا تبقى عليل
أو يوم تحتار
أو تبكى عليا
عنيك السود
باقولهالك
أنا مسمحاك
أنا مسمحاك
يا روح الروح
ياسارقنى
لفين ما تروح
وقلبى إختار
يقول ويبوح
وييجى إليك
لا يقسى عليك
ويغفرلك
أنا مسمحاك
ياشارى الحب
قلبى كمان
بيهوى لقاك
عن الأشجان
وقلت سماح
عشان باهواك
يا حد أخدنى
م الأحزان
دا مش معقول
أخاصمك يوم
يزيد همى
ويروح النوم
وقلبى عليا
يبقى معاك
أنا مسمحاك
# كرم شحات #
ساحة النقاش