مجلة عشـــاق الشعـــر الإلكترونية (ممدوح حنفي)
Essam Dwedar
.....................٤......................
جوابات الاسطى حراجي
..................................................
من فاطمه أحمد عبد الغفار
الكاينه في جبلاية الفار
الي زوجنا الغالي الاسطى حراجي
العامل في السد العالي
..................................
إيه يا حراجي
مش ناوي تاجي
هي القسوه
وصلت عندك
للدرجادي
فاطمه مرتك
ورده بتدبل
نفسها قبل ما تدبل
تِحْبَلْ
وأنا مش هخجل
ولا راح أسكت
تاني
يا حراجي
انت بنيت السد
لوحدك
لا يحراجي
انت بنيت
السد في قلبك
كل الناس رجعوا
علي بيوتها
وانت فايتنا
وقاعد عندك
فوق يا حراجي
فوق من وهمك
إياك فاكر
راح يكتبوا سي
السد بإسمك
تعالي أولى
بعرقك أرضك
مال الدوله
تصونه الدوله
إياك فاكر
إن السد بنيته
مجامله
عارفه كلام الحق
بيوجع
وإنت سنين غايب
عنينا ومش ناوي
ترجع
قولي أشكي وجعي
لمين
علشان إنت رافض
تسمع
مهما قولت عليا
قويه
أنا برديك من جوه
واليه
ولسه صبيه
محتاجه منيك حِنيه
كنت هموت لما عييت
وانت أديك مش حاضنه
إديه
سايقه عليك
ياحراجي السد
سايقه عليك
طوب الارض
ترجع لينا
بكفايه بُعّدْ
في جوابي الجاي
هبعت تصويره
تصويره جميله
عليها القيمه
يمكن قلبك
لينا يرق
وترجع فاطمه
تعيش في سكينه
..........................
زوجتك فاطمه
......................
بقلم عصام دويدار
ساحة النقاش