مجلة عشـــاق الشعـــر الإلكترونية (ممدوح حنفي)
💮لما ناديتى💮
لما ناديتى عليا
لبيت يا مصر نداكى
فرحت لما اخترتى
دمى يكون فداكى
ودمى برضو قليل
يابلدى جنب غلاكى
يامصر عشت عمرى
بدعى انا مولاكى
يحمى ارضك تملى
يحرس نيلك سماكى
يا جنة عشت فيها
فالدنيا قبل مماتى
ولو مت برضو روحى
على الحدود حرساكى
انا الشهيد
انا الشهيد اللى مخاف مالموت
واخترت الموت مصيرى
وبقولها بأعلى صوت
ايه يعنى لما اموت
وصحبت جيشى تعيش
مانا قاسم معاهم
الميه والرغيف
ايه يعنى لما اموت
وشباب بلادى تعيش
والأمن يفضل فيكى
ميهزه اى خسيس
انا اللى وقفت للخاين
ولا خفت من ناره
جسمى يروح اشلاء
ولا انه ينال مناله
يامصر افديك بدمى
ودمى برضو قليل
تعيشى يامصر عاليا
يامرسى نهر النيل
حبك ساكن بقلبى
وقلبى ليكى اثير
ودمى ليكى يابلدى
على المحبة قليل
وانا الشهيد
💮الشاعر احمد عيد💮
ساحة النقاش