**الملاك الغالى** بقلم **اسامة جمال**

مجلة عشـــاق الشعـــر الإلكترونية (ممدوح حنفي)

الملاك الغالى

.
الملاك الغالى بنظرة واحدة شغلى بالـــى
الملاك الغالى بكلمة حلوة سهرنى ايام وليالــى
فرح القلب بكـل الحب بعـــد القلــب ماكــان خــالى
يغيب عنى بحس انى وحيد ويذيد قلقى عيلة وانشغالـى

..
الملاك الغالى

.
مهو جمـــيل فـــى دلالـــة ورقتة عندة حـــق
لما اشــوف دحكـتة قلـبى اوام بالحـب يحن اليه ويرق
نظرة عنيه بتخلينى انسى مر سنينى وبكلامة الحلو قلبى يدق
داغالى عليا يطلب عنيا ورحى وقلبى اقول حاضر مااقدرش اقول لاء

.
الملاك الغالى

.

معاة بلاقى الحنية بتمنى الزمن يقف بيا لما يكلمــنى
عمــرة مايوم زعلنى من نظـرة عينـى يبتسم اوام يفهمــنى
ولاعمرة يوم قــل منــى دا ياما شــال الحمـــل عنى وطمــنى
الدنيا تأسى عليا كلامة ليا بيريحنى ويفرحنى ولامرة حاول يألمنى

.
الملاك الغالى

.

ضحكتة ياناس كلــها احســاس ورقــة وخفــة وحنان
من جماله ورقتة وحنانة خــلاص هايجيلـــى ياناس جنان
دنا قلبــى ياناس دايب خلاص وكأنـــى عارفـــة مـــن زمــــان
دا هو الاساس رقة واخلاص جنينى ياناس بس القلب معاه فرحان
بحبـه بجد دا ياسمين و ورد جوة قلبـــى ساكن دا عـــود فل وريحـــان

.
الملاك الغالى

.
يبتسم ورود تتفتح وامل يترسم دا هو طبيب للقلــب ودواه
يضحك يملى الدنيا امل وسعـادة وفرحـه ذيادة قلبـى سعيد وياة
فرحــة حياتى يوماتى وضحكتـــى وابتسامـــاتى دايمـــا وانا معـــاة
بحــبة مــوت مــن غيـــرة امــوت قلبــى دايب وبيخاف علــيه وبيهــواه

.

الملاك الغالى

.

ياما اتمنيته وحلمت بيه كتير ياما
جميل زى العصفور وارق من اليمامه
دا روح الروح وحنانه فى القلب علم علامه

.
الملاك الغالى

.
اقول تانى اي واوصف بس
هو اللــى قلبى بحنــانه اوام حــس
سألت قلبى من خلاك تميل قال هو وبس

.
الملاك الغالى

.
مهما قولت او حكيت مش كفاية
دا جماله ورقتة ياناس مشكــله حكاية
بحــلم بس يكــون معــايا ويا قلبـــى للنهايــه
كان نفسى اقابـــله مــن زمـان وتكــون معــاة البدايه

.
الملاك الغالى

.
كلمة بحبك بحس انها قليلة جدا علية
دنا بدوخ وبيضيع النفوخ من نظرة واحدة من عنية
وياه بحس بطيبه غريبة بكون ولهان كلى حنان والبركة فيه
وتبقى مصـيــبة دنا لخــمـة وخيــبة يغــمــن عليا لو لمسـت ايــديـه

.
الملاك الغالى

.
بس بصراحة ملاك مليكان وقصيرة
كلها حنان عقلها كبير وضحكتها ولاطفله صغيرة
دا هيا الغزال جميل جمال خفة ودلال وبضحكتها منورة

.
الملاك الغالى

.
الملاك الغالى بنظرة واحدة شغلى بالـــى
الملاك الغالى بكلمة حلوة سهرنى ايام وليالــى

.
انتظرونى وقصيدتى القادمة كنبلة الفيس بوك (بحبها وهيا مش من دينى)

.

تأليفى ***اسامة جمال***حلوان***