مجلة عشـــاق الشعـــر الإلكترونية (ممدوح حنفي)
-----------------------------بدون رتوش------------------------
لما تلاقى الوشوش
بدون رتوش
وبتوع الباطل للباطل
مايطبلوش
والحق فارد جناحه
وبالخير مفروش
والنور بيغنى و بيهنى
والضلمة مكانها
النعوش
والظالم فى
بلدنا مالوش
مكان بينا مالوش
والسجون على
الجبان بتنادى
واصحاب الكروش
ساعتها نقول يارب
انتصرنا ودايما
وتحوش
عنا
الخونة دايما
تحوش
هز ديلك هز
ومد حبالك مد
ولا عمرك ياابنى
كنت فى يوم جد
حب الذات عندك
أبلغ من أى رد
ولا عمرك كنت
مصرى ولا حبيت
فيها حد
ولا حسيت بفقير
فى لحظة اشتد
فيها البرد
وتقول لى أنا مصرى
بأمارة ايه عد
فلوسك عد
من قوتنا ودمنا
من جراحنا وهمنا
ونسيت الموت
واللحد
ودعوة مظلوم
عليك تتهد
الجبال هدّ
وافكرك ياابنى
نهايتكم قربت
لأن الظلم بلغ
مداه واشتدّ
الشاعر/عبدالجوادخاطر
ساحة النقاش