مجلة عشـــاق الشعـــر الإلكترونية (ممدوح حنفي)
( أبكي ياأنسانية )
==========
أبكي ياأنسانية
بحرقة وولولي
الناس الأزية
سرقوا ضحكتي
أبكي وسماعيهم
صوت دمعتي
قولي وعارافيهم
اللي مات فيهم
ضمير وحنية
أبكي ياأنسانية
بحرقة وولولي
---------------------
الرحمة فين راحت
والحق ليه ضاع
العطن ريحته فاحت
والسكة بقت ضياع
أبن الأنين والآه
فرشو وغطاه أوجاع
أبسط حقوق الحياة
يمرض يلاقي دواه
ولقمة عيش طرية
أبكي ياأنسانية
بحرقة وولولي
-----------------------
لاهدمة تستر عورة
ولا لقمة تشبع جوف
سلعة في أي ثورة
تتباع من غير كسوف
لو يحس ولي الأمر
يموت من الخوف
مرض وجهل وفقر
بوابة لكل قهر
عالي باعوا القضية
أبكي ياأنسانية
بحرقة وولولي
---------------------
الشاعر/ محمد العربي
ساحة النقاش