مجلة عشـــاق الشعـــر الإلكترونية (ممدوح حنفي)
اللحم داب وتفتق ورقعناه
ياحسره مكتومه على اللحم ال متأجر
ياميت خساره تكسبها الحياه
بقلة الأصل لما بتتقنعر
وعبده مات بالقدر والحمد لله
عنيه ماشافت دمه بيتسخر
يلون حيطان الورد بألف أه
واندوس عليه و احنا بنتمختر
أصل القديم من فاته تاه
بيت اليتيم الله أكبر
ان الله أكبر
................................
يا بدلة القسوه معموله بالأيام
مفيش مقاس الضعيف عليه بتتكسر
انا نصيبى كده راضى ومزاجى تمام
ياريت ياابن الحياه فيه ماتفكر
ويبقى الدم ميه يسقى اولاد الحرام
ويموت من العطش لحمى ويتغير
سلام يا كل الحبايب يا خواتى سلام
الغربه فيكم مره ومرارها متكرر
.......................................
لحم و دم ... بقلم /وائل محمد الحمامى
ساحة النقاش