مجلة عشـــاق الشعـــر الإلكترونية (ممدوح حنفي)
----------------------------لسّه-------------------------------------
------------------------------
لسّه فاكرانى؟
ولسّه بتحبينى؟
أنا لسّه برغم المسافة
ال بينك وبينى
رغم البعاد ال على عينى
وكل يوم بيعدى بيزيد
شوقى وحنينى
بس ال مزعلنى وقتلنى
من غيرك بتهرب منى
أيامى وسنينى
لسّه شاريكى
وانت ياترى شارينى
وان بعت عمر الدنيا
ما تغرينى
لسّه هواك بيجرى فى دمّى
بيجرى فى شرايينى
والحلم الجميل اتحفر
جوّه قلبى وعلى عينى
أنا بحبك وانت لسّه بتحبينى
زوقى ليلى وعلّى
من مشاعره
صففى شعره
وجملى من ضفايره
والعيون كحليها
والرموش ارسميها
اسحريها وخليها
تغنى للقمر
وانت كمان غنيها
زوّقى ليلى
وحمرى الورود
ارسمينى قلب
ونسمه ع الخدود
ارسمينى بسمة
أمل للوجود
زوقى ليلى
ولبسيه فستان
لبسيه قلب
نبضه حنان
بلون الربيع
أبو الألوان
الشاعر/عبدالجوادخاطر
ساحة النقاش