مجلة عشاق الشعر الإلكترونية. .ممدوح حنفي
تعرف ايه بيوحشنى
نظرة عنيك
ورموش عنيك
وبيدارى مدامعه
بيوحشنى نبض قلبك
وأنا سامعه
بيوحشنى كل
حرف تنطق بيه
بيوحشنى شعرك
وأنا بتدارى فيه
موش عارف ليه
دايما بتوحشنى
قربك زى بعدك
بتوحشنى
حتى وانت معايا
وأنا جنبك
بتوحشنى
سرحت ولبعيد رحت
خدنى الحنين للماضى
وتنهيدة قلب راضى
شجن لمشاعر
وخيال بجناح
طاير
سرحت ولبعيد رحت
وبسرعة دق قلبى
وافتكرت
كل مكان
رسم
على قلوبنا
الحنان
كل همسة
فتحت وردة
فى بستان
ساحة النقاش