مجلة عشـــاق الشعـــر الإلكترونية (ممدوح حنفي)

 

 

 

رسالة أب مكلوم

…………………………

أمانه يا أحمد ياابني

تسلملي على إبني

وتقوله

أمك وأبوك واخواتك

في إنتظارك يوم الخميس

وقوله جابولك بدله الفرح

ومليووون مبروووك ياعريس

داحنا بنعد الدقايق والثواني

وكل أمالنا إنه يرجع لنا تاني

إبننا ياأحمد إسمه سيف

كامل الاوصاف لو نوصفه

إنسان مجدع وطيب وعفيف

وأول ماتشوفه هاتعرفه

إنسان متربي ع الاخلاص

وحبه لبلده فوق ع الراس

وفي صف الحق علمناه

يقف لو مهما الحق كلفة

إبننا ياأحمد زيك تمام

في الادب والاحترام

عمر العيبه ماطلعت منه

وإسأل كل الناس عنه

ده مقويني علي الأيام

قوله ياأحمد إنه واحشني

وبُعده عني والله قاتلني

وامه ٠٠ مش قادره تنام

وقوله ياابني ضهري إنحنى

وإنه شقايا من كام سنة

وإنه سندي من بعد ربنا

وقوله أبوك بيوصيك

تستحمل وتفضل شديد وسهران

وماتسلمش ضهرك أبداً لأي جبان

وقوله الغدر بقي الأيام دي

زي الديدان في الغيطان

وكفايه قلبي إتوجع مرتين

لما إستشهد من إخواته إتنين

إبني حكيم ومينا الكبير

وده الى فاضلي ياأحمد

علي طفل وأربع بنات

وربنا يحفظكم ياابني

ويعدي أيامكم على خير

ويحفظ بلادنا وديارنا

من شر المرتزقة الملاعين

اللهم آمييييين

اللهم آمييييين

اللهم آمييييين

……………………………

رسالة أب مكلوم

بقلم الشاعر يوسف الحمله
19/7/2015

 

المصدر: مجلة عشـــاق الشعـــر الإلكترونية (هـدى محمد)
mamdouhh

(مجلة عشاق الشعر)(1)(ممدوح حنفي)

  • Currently 0/5 Stars.
  • 1 2 3 4 5
0 تصويتات / 39 مشاهدة
نشرت فى 19 يوليو 2015 بواسطة mamdouhh

ساحة النقاش

(مجلة عشاق الشعر)(1)(ممدوح حنفي)

mamdouhh
مجلة ألكترونية لكل عشاق الكلمه نلتقي لـ نرتقي »

تسجيل الدخول

ابحث

عدد زيارات الموقع

392,182