مجلة عشـــاق الشعـــر الإلكترونية (ممدوح حنفي)
رمضان جانا
رمضـان جـــانـا
يا اللــى معـــانا
قــولــو ويــانــا
ياسعدنا ياهنانا
رمضـــان جانا
رمضـان جانا
.
علقنا الزينا
وفرحت اهالينا
من الفقير لى افندينا
وطبل وهيصة وازعرينا
.
رمضـان جـــانـا ... يا اللــى معـــانا
.
اهلا رمضـــان
شهر الاحســان
شهر الحسنات
شهر الغفـــران
.
رمضـان جـــانـا ... يا اللــى معـــانا
.
يابية ويافندى
يوم عندك ويوم عندى
نفطر على قمر الدين
وعنـــاب وســوبيـا وتمـــر هنــدى
.
رمضـان جـــانـا ... يا اللــى معـــانا
.
ومن غير فلوس
نشرب عرق سوس
ونغنـــى وحـــوى يا وحـــوى
فرحانيين وفــى ايـــديــنا الفـانــوس
.
رمضـان جـــانـا ... يا اللــى معـــانا
.
نقرأ قرأن
نهار وليل رمضان
واسامح اللى زعلنى
لــــو هــــو الغــلـــطــــــــان
.
رمضـان جـــانـا ... يا اللــى معـــانا
.
وعيال عفاريت
تضرب ديناميت
ومدفع رمضان
نعمـرة كبــــريت
.
ولو عطشان الزم حدك
وماتضربش الا لما يصدق
.
رمضـان جـــانـا ... يا اللــى معـــانا
.
ونسمع شيخنا الشعراوى
فى البيت وعلى القهاوى
.
وبكل حب وفرح
نشرب لبن بالبلح
قلوبنا طيبة وصافية
وننسى اللى زعل وجرح
.
رمضـان جـــانـا ... يا اللــى معـــانا
.
ومائدة الرحمن
مليانة خير رمضان
الاكــل اشكــال والــوان
محلـــى صيـــام رمضـــان
وانـــت حاســــس بالغــلـــبـــان
.
ولمتنا على الطبلية
وخناقة على طب ملوخية
نفطر فى خمس دقايق
وناكـــل الحـلو ونستنــى التمثلــية
.
رمضـان جـــانـا ... يا اللــى معـــانا
.
بوجى وطمطم كمان
دى فكــهة رمضـــان
وزيكا وعم شكشك
ياما فرحــونا زمــان
.
رمضان بأختصار
بجـــد مش هــــزار
واحنا علـــى الفطار
لازم يوماتى نشوف
رشـــيـــدة وبــكــار
.
رمضـان جـــانـا ... يا اللــى معـــانا
.
ورامز جلال نستناة
بنستمتع كتير واحنا وياة
نغضب منة حبة
نزعل من حبة
ومقالب للاحبة
بس بنضحـــك واحـــنا معـــاة
.
وماتــش كـــورة نلــعـب
وعاركة على اللى يغلب
فرحان اللى كسبان
والخسران يغضب ويندب
.
رمضـان جـــانـا ... يا اللــى معـــانا
.
والجمـيل المــريــح
فرحة القلب صحيح
مايفتناش لحظة
من صلاة التراويــح
.
حسن العجلاتى
وابراهيم السعاتى
طول الليل صاحيين
واحنا معاهم يوماتى
بنستــنى المسـحراتــى
.
رمضان جانا ... يااللى معانا
.
يارب بالخير والسعادة على امة المسلمين
كل سنة وانتم طيبين
تأليفى *** اسامة جمال*** حلوان**
ساحة النقاش