مجلة عشـــاق الشعـــر الإلكترونية (ممدوح حنفي)
أنـــــــا
قعدت مع نفسى أسألها مين أنا ...
ردت وقالتى أنى أنا أبقى أنا !.....
أنا اللى الفرح نسانى ودايما عايش فى ضنا ...
أنا اللى بسعد غيرى وهما يبكونى أنا ....
يا أنا عاوز أعرف أنا حلم ولا علم ولامجرد منا ..
قالتى أنت اللى عايش مع كتير ملايين ...
تتمنلهم الفرح وهما يتمنوك حزين ...
ترسملهم على شفايفهم البسمه وقلبك بيأن آنين ...
أنت من أصل كريم وأهلك ناس طيبين ....
إيدك بالخير لغيرك دايما ممدودين ...
أنت الحُب والعطاء للاخرين ...
أنت الشوق لاء أنت الحنين ....
بس مش عارفه ليه الدنيا والناس عنك منشغلين ..
بس أصبر وخليك دايما من الصابرين ...
أصل الدنيا عُمله يا أنا بوجهين ...
وجه سعاده وده للموعودين ...
ووجه حزين للى زيك طيبين ...
أصبر يا أنا وخليك من الصابرين ...
بكره أكيد الفرح هتشوفه بالعين ...
وينكتب أسمك فى كشف الموعودين ..
يا أنا مالك مستغرب ليه كلامى ....
يا أنا عمرى ما كنت معاك أنانى ...
ولا عليك فى يوم بعت يا أنا أغانى ...
والدنيا بتتاخد غلابا مش يا أنا أمانى ...
خلاص يا أنا عرفت مين أنا ..
أنا الحزين اللى مستنى فى يوم الهنا ..
خلاص يا أنا ....
بقلــــــم: عـــــادل الشــــــهــابى
ساحة النقاش