مجلة عشـــاق الشعـــر الإلكترونية (ممدوح حنفي)
على شط بحر ك المالح
شايل وجعين
والموج رحال
ومركب الصبر تايه
بين الادغال
ونسيم الشوق فايح
وصوت الرباب دايح
بيعزف لحن الحرمان
وشمس النهار دبلانة
مكسوفة بين الوديان
وقمر الليل غايب
بقاله زمان
ورمل شطك الحامى
طارح جمر
مش عارف اخطى بقدامى
لاى ضل
عايز اكتب لك قصيدة بتضحك
مش قادر
ولا قادر اوصف معانى الذل
متلخبطة المعانى وحايرة
واقفة ف نص الدايرة
اللى بتسحبها الريح
والقلب جريح
واقف ع المية وعطشان
مستنى تيجى وتهلى
جايبةحبة مية ف يدك
يبل الريق
ولا قادر انزل بحرك الغريق
واكون عوام
وطويل الطريق
وبعيدة رحلتك
وملهاش عنوان
الشاعر عبد الله الهوارى قنا قوص جرا جوس
ساحة النقاش