مجلة عشـــاق الشعـــر الإلكترونية (ممدوح حنفي)
................. واهى الحياة حبه محن .....................
وأهو الزمــــــــــــن بيعلمنا
ان الحياه حبـــــــــــة محن
وان الفـــــــروق جوه الحياه
بالزوق مهيـــــــش بالمهن
والرب عنـــــــــده المنتهى
بالنيه وامـــــــــــــور الزمم
وان الحياه حبــــــــه عهود
حبه وعـــــــــــود وبتحترم
فينا اللى خـدها وقال انااااا
من بعدى طــــوفان للرمم
وفينا اللى ربك كان معاااااه
عايش حـــــــــياته بالحكم
والحكمه حكـــــــــمه ربنا
خلق اللى عارف حكمـــته
واللى بيدعـــــــى بزنقتـه
خلق الفساد خلق اللــمم
علشان يضـــاهى النفوس
فيها الامانه فيــــــها الكرم
ولا النفوس اتغيرت ادمــرت
وبقينا حبة بالحياه زى الرمم
فينا اللى خان ارض الوطن
فينا اللى عفن فينا العطن
فينا اللى حـــــــــلل دمنا
فينا اللـــــــــى زود فقـرنا
وبقينا مسخــــــرة الامم
وكله قال ده حكــــــــــمنا
بشرع وكتـــــــــــــاب ربنا
والشرع اصبح مستـــــباح
بيشرعه حبــــــــــــة لمم
قام حرموا اصل الحـــــــلال
وحللولنا الحرام هتكوا القيم
وقالولنا ده مـــــــــن اصلنا
اقتل واحـــــــــــــــرق زينا
اسرق واهتـــــــــك عرضنا
وان البلد ديت هباب مش ارضنا
وحتى مصربشعبها مش شعبنا
نزلت دموعى بحــــــرقتى
والدم فجـــــــــــــر ثورتى
ولقيتنى بصــــــرخ انا هنا
مصـــر هنا ودينـــــى هنا
واللى يحبه ربنا يجى ويصرخ زينا
ان البلــــــــــــــد دى بدمنا
وأهو الزمــــــــــــن بيعلمنا
ان الحياه حبـــــــــــة محن
وان الفـــــــروق جوه الحياه
بالزوق مهيـــــــش بالمهن
.................................. احمد عامر ..........................
ننوه ان كل ماينشر مسجل بالهيئات المنوطه بذلك 4510/2015 س م ب
ساحة النقاش