مجلة عشـــاق الشعـــر الإلكترونية (ممدوح حنفي)
وأنا مالي يا عم
يا ابني تعال نعيش في أمان وبعيد عن هم
وأنا مالي يا عم
صاحبي حبيبي تعال نروش وبلاش غم
غم وهم لا لا لا يا عم
سيبني في حالي أرعى جمالي ولا نندم
جوا الصحرا رمل وبرد وحر ولا ترحم
لكن صحرا وخوف وديابة أحسن من بني آدم
ديب الصحرا عمره ما كان كداب طماع ولا فيه نم
رمل الصحرا علاج ودوا وكمان يبني بيوت وهرم
حر الصحرا أحسن عندي من تكييف للكذب وخم
برد جبال الصحرا أدفى من طماع وسافك دم
حلوة الصحرا هدوء مفيهاش الرط و ثرثار فم
كله تراب في تراب ومفيش كداب بيذم
راحة بال محتاجهاضروري كده لازم
بس يا خوفي أروح وأرتاح يجي الغم معاه الهم
زجل / محمد الخامي
ساحة النقاش