مجلة عشاق الشعر الإلكترونية. .ممدوح حنفي
معنتش ﻻقى كﻻم أقوله
كل اللى عاوز اقوله
ياما ناس قبلى قالوه
وعدى واتنسى وم العقل شالوه
وحطوا مكانه هطل وصدقوه
عشان عاوزين كده افهموا ياهوه
----------------------
لما الحق يبقي واضح ويمحوه
ويخلونا نصدق باطل ويثبتوه
جوه عقول الجبنا عشان خايفين يواجهوه
محنا ف زمن اصبح الحق غريب
والكذاب فيه له مكانه م هو اصبح حبيب
ويتقال عليه أحلى كﻻم وع الدماغ بيحطوه
-----------------------
لما تتقلب الحقايق
واﻷخ يتقال عليه خاين
ومن بيته بيطردوه
والعدو يصبح صديق
وقال ايه بيحموه
م خﻻص اتقلبت الحقيقة
واﻷخ مبقاش يحب اخوه
عشان كده اتجمع عليهم الخونه
واتفقوا ما يهنوا واحد فيهم
بورث أجداده وأبوه
خلص الكﻻم
ساحة النقاش