مجلة عشـــاق الشعـــر الإلكترونية (ممدوح حنفي)
((هات سمعتك ياطبيب))
===============
هات سمعتك وأسمع ياطبيب
دا صوت قلبي دا ولا نحيب
خايف ليكون صابو الهوي
دا الفكر بيودي ويجيب
هات سمعتك وأسمع ياطبيب
علي الحال دا بقالو كام يوم
نسي ونساني طعم النوم
ماكنشي أبدا كدا مهموم
ولاشمسه كانت بتغيب
خايف ليكون صابو الهوي
دا الفكر بيودي ويجيب
هات سمعتك وأسمع ياطبيب
أمانة عليك بالله ياطبيبي
تصارحني ليه كدا تعذيبي
ولاعمري شكيت ولاقلت لهيبي
وعلي السهاره كنا بنعيب
خايف ليكون صابو الهوي
دا الفكر بيودي ويجيب
هات سمعتك وأسمع ياطبيب
الحالة بدري ولا متأخرة
ميؤوس مني ولا أيه ياتري
ساعات بشوف ضلمة منورة
وساعات النور بيبقي غريب
خايف ليكون صابو الهوي
دا الفكر بيودي ويجيب
هات سمعتك وأسمع ياطبيب
==============
الشاعر محمد العربي
ساحة النقاش