مجلة عشـــاق الشعـــر الإلكترونية (ممدوح حنفي)
الشاعر احمد ابراهيم
احتمال
====
بقلم الشاعر المصري/احمد ابراهيم
====================
احتمال انى أرحل عنك امشى
من سكات
احتمال انى اكون ذكرى عايشه فيكى
بدموع الاهات
احتمال واحتمال انى اكون
زى السحاب مر فوق اصعب تلال
احتمال انى اكون قصه انطوت
وسط الكتاب
احتمال انى اكون سر
ف حياتك بالعذاب
احتمال انى اكون دمعة سحاب
بيها تبكى عنيكى على
اصعب فراق
واحتمال انى اعيش بعدك سنين
مكسيه بعذاب
احتمال واحتمال اصحى القى
العمر شاب
ساعتها كلمة احتمال مالهاش جواب
بين قاموس الذكريات كل حرف
فيها مات
بين دروبك جرح باكى
اللى باقى فى بعدى عنك
قلبى شاكى
بس كلمة احتمال غايبه ف حياتى
كلمة ماتت بين سكاتى
وبين سكات الذكريات
بين عيونى الليل سواد
نهار وهاجر فجر خاب
بين دروبك بين دروبى
جبال ضباب
تشيلى وحدك حمل صعب
بين دروبك
وبين دروبى اشيل وحّمل
انى اعيش صابر بجرحى
وانى اكون زى الجمال
ساعتها كلمة احتمال
مالهاش جواب
بين قاموس الذكريات
كل حرف فيها مات
كل حرف فيها مات
كل حرف فيها مات
==============
بقلم الشاعر المصري/احمد ابراهيم
ساحة النقاش