مجلة عشـــاق الشعـــر الإلكترونية (ممدوح حنفي)
سوريا ولاد أصول
شوفت بعنيا وكنت لازم أقول ....
عم أسر اتشردوا وهم ولاد أصول ..
ناموا على التراب بعد نوم القصور ...
وبنات طمع فيها كل كلب مسعور ...
بنات الشرف ليها تاج راسها ..
كانوا عايشين فى بلدها وفى وسط ناسها ..
بيوتهم الحرب من جدارنها شالتها ..
هاجروا من بلادهم لبلاد الله ...
قالوا ندور على الأمان يمكن هناك نلقاه ..
ورزق شريف وبيت نعيش جواه ..
هاجروا وكانت أحلامهم ورديه ..
يحلموا بآمان وناس فى قلوبهم حنيه ...
والكل ليه طمعان فى شرف الصبيه ..
ليه أفكار الناس بقت مش ساويه ..
ليه ما نقفش جمب بعض ونكون أقويه ..
بنات العرب كلهم بناتنا ..
نعاملهم زى بناتنا كمان وأخواتنا ...
خليك راجل صاحب تفكير معقول ...
وأعرف أنهم بنات عائلات وولاد أصول ...
وأن شاء الله غربتهم عن وطنهم مش هتطول ...
بلاش نكون علامه سوده فى حياتهم ...
ونكون ذئاب ننهش فى آدميتهم ..
حكايتهم ياما قطعت قلوب ...
وسبب هجرهم لبلادهم هى الحروب ...
أسمع يا كل شاب وبلاش عناد ..
سوريا بلد عربيه ..
عرض بناتها لازم يكون فى عنيكم وعنيه ...
حافظوا مع بعض على عرض الصبيه ..
أكيد هفضل أقول وأقول ...
أن شعب سوريا أخوه وعائلات ولاد أصول ..
بقلـــــم: عــــادل الشـــــهـــابى
ساحة النقاش