مجلة عشـــاق الشعـــر الإلكترونية (ممدوح حنفي)
مبروك علوه
¤(بحبك يا أمى)¤
بحبك يا أمى حد الجنون
وصورتك فى قلبى فين ما أكون
فى همسة شفايفى فى وقت السكون
بقولك بحبك يالقلب الحنون
شلتينى فى بطنك تسع شهور
برغم الضلمه حسيت إنها نور
وبرغم الالم حسيتى بسرور
ياورده جميله فى وسط الزهور
بحبك يا أمى يا نبع الحنان
فى حضنك يا أمى بحس بأمان
وفى بعدك يا أمى بكون تعبان
يا أجمل هديه يا نور الزمان
لو أشتكيت تسهرى الليالى
وتحرمى نفسك من كل غالى
وتبكى بدمع العين علشانى
وتتمنى لو تبقى مكانى
وهرجع برده وأقولك تانى
بجد صحيح والله وحشانى
¤¤¤¤¤¤¤¤¤¤¤¤¤¤¤¤¤
بقلم
#مبروك_علوه
ساحة النقاش