مجلة عشـــاق الشعـــر الإلكترونية (ممدوح حنفي)
كيفك يا ولدي
وعامل أيه
خايف يا ولدي
تحب ليه
............................
يابوي كفايه
حبيت في مره
وكانت النهايه
الدمعه مُرّه
..............................
يا ولدي حب
وعيش حياتك
مدام في قلب
إنسى إللي فاتك
............................
يابوي في قلبي
كتير وجع
حبيت وقلبي
إللي إتخدع
.......................
يا ولدي عيد الخطاوي تاني
وإنسى اللي باعك وإنسى الاناني
...........................
الغدر ليه
تبكي عليه
الدمعه منك
خساره فيه
..........................
يابوي خلاص
قلبي خلاص
قفل بيبانه
عهد الخلاص
مفيش خلاص
ينفع عشانه
........................
يا ولدي لازملك دوا
نزلت ليه بحر الهوا
من غير ما تحسب خطوتك
......................
مش كل عطشان إرتوى
ولا كل غرقان إنكوى
إرجع يا ولدي لدنيتك
...........................
حب وإعشق من جديد
إمشي طريقك لو بعيد
وصيتي تحسب خطوتك
وإياك يا ولدي تعود وحيد
.........................
بقلم / عصام دويدار
ساحة النقاش