مجلة عشـــاق الشعـــر الإلكترونية (ممدوح حنفي)
بيســـألوا
بيضحكوا ويسألوا أنت مين ....
عاوزينى أرد وأقول أنا الحزين ..
ويتمنوا يشوفوا الدمع فى العين ...
هقولكم أنا مين ....
أنا اللى لو أنظلمت بكون من الصابرين ...
وأنا اللى بضحك وكُلى آنين ....
وأنا اللى عُمرى ما كُنت من اليائسين ...
أنا الفلاح اللى بأيده يزرع شجرتين ...
فى السما فروعها وجزورها فى الطين ...
أنا الفلاح اللى بيزرع القمح وبيكون من الشقينين ..
أنا اللى بزرع وأحصد الخير للاخرين ...
وأنا اللى باخد القمح وأطحنه علشان يبقى عجين ...
وأنا اللى بوديه للفران علشان يصنع منه رغفين ..
وأنا اللى بأيدى مستعد أوزعه للمحتاجين ...
أنا الفلاح وأنا الصانع ...
أنا اللى عايش لو حتى حقه ضايع ...
أنا اللى بشيل وأحط فى البلد البضايع ...
أنا اللى بحب البلد بأخلاص ....
وأنا اللى نفسى أسعد كل الناس ....
وأنا اللى الحب والطيبه عنده أساس ...
أنا العامل المجتهد فى عمله ...
يشقى ويتعب علشان يحقق أمله ..
أنا الشيخ وأنا الراهب ...
وأنا اللى فى تراب البلد دى دايب ...
أنا اللى مآمن بكل الأديان ...
وبين أهل بلدى بتنقل فى كل مكان ...
عرفتوا أنا مين وبدون تمثيل ...
بقولكم أنا المصرى الأصيل ....
بقلـــــم: عـــــادل الشــــــهــابى
ساحة النقاش